Under Innovasjonsfestivalen 2021 får du dei siste oppdateringane på hydrogenutviklinga i Noreg. Dette skjer på Eggen restaurant ved Romsdalsgondolen, og med utsikt over tindehovudstaden Åndalsnes og Romsdalsfjella.
Her vil vi samle eit solid lag aktører som på ulike måtar er involverte i tilrettelegging, produksjon, distribusjon og bruk av hydrogen. Innovasjonsfestivalen er kjent for fagleg påfyll på utradisjonelle og kreative formidlingsmåtar. Det vil vi også gjere her, med korte pitchar, inspirasjonsinnlegg og debatt.
Innovasjonsfestivalen er haustens møteplass for nytt og etablert næringsliv på tvers av bransjar. I ei hydrogenverdikjede trengs det alt fra små duppedingsar til større produkt og tenester. Kanskje finn du din neste samarbeidspartnar på Innovasjonsfestivalen. Festivalen går over to dagar, og vi oppfordrar til å delta begge dagane.
